أحلى يوم بالعيد ( رابع يوم )

السلام عليكم ورحمه الله وبركاته للكل ..

شلووونكم شخبااركم ؟؟عساكم بخير ان شاء الله ؟؟

حبيت اليوم اقولكم عن احلى يوم بالعيد هذا ..

يمكن كانو ايام العيد مو حلوه وماحبيتها لأنها مرت كأيام هاديه ومافيها شي يذكر

أولها يمعات واليوم الثاني طلعه مو ذاك الزود

وثالث الأيام يمعه في بيتنا

وانا من النوع الي يكره اليمعات يعني تلقوني بعالم ثاااااني

و عادي احد يكلمني ما ارد عليه

المهم ..

رابــــــــــع ايام العيد

أحلى يوم بصراحه

الله يسلمكم كنا انا ورفيجتي هيون متفقين انا نطلع مع بعض ..

وطبعاً الي بيطلعنا اهلي لأن متعودين نبلشهم لول :p

قلت لأمي تطلعنا ووافقت ودقيت على هيون وقلتلها تعالي امي رضت

واحنى بالسياره امي خيرتنا بين اثنين يا( 360 او المهلب )

وأحنى مانحب المهلب فقلنا 360

بس اول ما وصلنا لقينااه واايد زحمـــه .. فأمي قالت شرايكم نطلع ونروح مكان ثاني ..

بس رفضنا وقلنا السايق يقلنا احنى مالنا شغل وصح كلامي ..

ماطولنا بسرعه وصلنا ..

وقعدنا نفتر بالسوق وبعدها سمعنا صوت مهرجان ..

واحنى رايحين للتجمع شفت واحد اعرفه ياربي ..!

شفت هيون جان اقولهاا هذا مو الي يقدم بالوطن ؟؟

اي اي هيون هذا عمر العثماني ..

ماكنا ناوين نسوي شي بس نمر ونروح

بس مادري شصار فيني وطلعت كامرتي لاتلقائياً جان اقوله :

عادي اصورك ؟؟ لوول ترى ماكنت مستوعبه الي اسويه

انا من ويها حسيت انه بيرفض وراح اتفشل :p

بس عزمنا نصور معاه وصورنا معاه :D

وواااايد استانسنا بالبرامج الي سواها

وأحنى متعودين عليه بالمناسبات والبرامج الحلوه ..

وقبل كنت اشوفه بالعيد مباشر بالوطن واقولهم يالله خلونا نروح بس مايودوني يعني مفاجأه حلوووه وايد صارتلي اليوم ..

أشكره واااايد لأني صج صج كنت حدي ملانه وماكان لي خلق شي بس صج استانست هاليوم بالعيد يعني احلى يوم بهالعيد الممل

وبـــــس حسيت روحي قرقت وايد ماعليه بس ابي احد اشاركه فرحتي ..