رحله في القلوب

واليوم أجتمعت ايدين لكتابة موضوع واحد أشتركت ايدين ليكتبون لكم وياخذون آرائكم

طبعاً كتبنا قصتين محاولة لارضاء جميع الاذواق .. قسمناهم في المدونتين

أتمنى أن يعجبكم الي كتبناه

أشتركتا في هذا البوست : Uniqe Girl _ Katkoota xD

ملاحظه : القصص من كتابة Katkoota xD _ والخاطره مشتركه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

السبت ٣١ يوليو .١. ٢

الساعة السادسة و النصف

المكان : مجمع الافنيوز

أبرار: ألوو .. هلا حبيبي وينك

فيصل : ( مرتبك ) هاا .. اناا ..اناا بالسياره مع صاحبي بنروح الديوانيه

انزين حبيبتي بعدين اكلمج بننزل الحين عند الربع

أبرار : اوكي حبيبي .. دير بالك على نفسك

سارة : شفيج برور وين سرحتي

أبرار : مادري فيصل مادري شفيه حاسة ان فيه شي

فاطمة : لا لا تخافين مافيه شي ان شاءلله ,, خنروح نقعد بكافيه او شي

سارة : شرايكم نروح هاقنداز .. من زمان ما قعدنا هناك

......

سارة : برور هذا مو جنه حبيبج فيصل قاعد هنااك

فاطمة : ايي والله منو اللي معاه تعرفينها

أبرار : لاا مو اهوا .. كلمته جدامكم كان نازل الديوانية

سارة : لا يباا شوفييه اهوا متأكده انا ان هذا اهوا فيصل

فاطمة : سارو يمكن مو اهوا لا تخربين عالبنت .. اهما بيتزوجون و تشككينها فيه .. امشوا بس خنقعد شتبون اطلب لكم

جلست الفتيات بالطاولة المقابلة لطاولة فيصل و الفتاة

ما أن تأكدت أبرار من ان حبيبها هو الذي تراه امامها توجهت اليه

أبرار : بسرعه طلعتوا من الديوانية ,, عيل وين صاحبك

فيصل : (منصدم ) ابرار .. شتسوين هني انا مو قايل لج ما تطلعين قبل لا تقولين لي

أبرار : حبيبي انا قلتلك امس بطلع مع رفيجاتي بعد الدوام .. كنا حاجزين فيلم ,,ماعلينا الحين انزين ما عرفتني منهي اللي معاك

تتقدم الفتاة بالكلام : انا امنة حبيبته .. عيل أكيد انتي ابرار

أبرار : حبيبته !! ايي حبيبتي انا ابرار .. فيصل اعتبر اللي بينا انتهى ما بيني و بينك شي بعد ,, و .. الله يوفقك مع (وبضحكه استهزاء) ... آمنه

تسير الى صديقاتها فتشير لهم بالذهاب

فيصل : ابرار نطري نتفاهم .. ابرار

أبرار : عيب عيب عليك تقوم وتخلي الأنسه أو مايندرى يمكن تكون المدام قاعده

.

.

.

.

.

.

.

علقني فيه وبعدها تركني

حببني فيه بعدها قتلني

كسبني بعد طلعت الروح وآخرتها بدَّلني

أسلوبه كلامه صار يغث ومافي صبر يملكني

ودي أفور بويهه وأقوله مثل ما حببتني فيك يالله كرِّهني

حسبتك لي ظهر و سند بس كالعاده خيبت ظنِّي

بكل كلمه يقولها كان يمدحني

و بعدها تغير و دايم صار ينتقدني

يدور اي كلمه ليجرحني

كانه يقول احساسها ما عاد يهمني

مادري الدنيا تغيرت و لا معاملتك اللي غيرتني

قول حق بنت ابليس اللي عشانها هجرتني

ترا مو انا اللي خسرتك انت اللي خسرتني

عبالك بحركتك هذي كسرتني

ترااك غلطاان حركتك اهي الي قوَّتني

بالساعات اكلمك و بكل دقيقه تقول لي تحبني

و تجيني حبيبتك تقولي تراه يحبني

عباللك حركتك هذه بعثرتني

خلي حركتك هذي توقفك عند حدك مثل ماوقفتني

وقفتني بطولي و بأصلك ورتني

الله يعين من حبك .. ما تدري حبك شكثر كان متعبني

عبالك ببعادك بعتني ..

والله ما عاش من يرخصني

هذا دليل انك ولا عمرك عرفتني

الحمدالله اللي عنك ابعدني

تمت